Kej kůńczy sie jedyn rok, a napoczyno drugi, czynsto podsumowywuje sie roztomajte rzeczy. Bezto bylimy we rudzkim Krys Urzyndzie Roboty, we kerym pedzieli nům jako to łůni porachowali.
Nojbarzi chyba radować moge to, iże wskaźnik bezrobocio we Rudzie Ślůnski je jednym ze nojniższych we cołki Polsce. Podle porachowanio Krys Urzynda Roboty, na kůniec roka bez roboty buło u nos wele 6,7% ludzi. Na zicher efekt tukej prziniůsły programy aktiwizacje dlo bezrobotnych a gyszeftmanůw.
Jako je wyrachowane we 2015 do roboty skierowanych buło 4433 ludzi. 1129 udało sie zaktywizować dziynka piniůndzům ze Funduszu Pracy. Zaś wele 340 můgło podniyś swoje fach kwalifikacyje ze Krajowego Fundusza Szkolyniowego.
A iże to niý ma ainfach robota, pokozuje uznanie programůw, szkolyniůw a akcyj bajslowanych we Rudzie Ślůnski.