We Radziůnkowie 20 januara sbajslowano uostała sesyjo Sztad Rady skiż jubilyjům 18-lecio ôdzyskanio bez Radziůnkůw sztadnych prow.
18 lot do zadku Radziůnkůw stoł sie nazod podle prowa sztadym. Skiż taki ôkazje sbajslowano uostała ekstra sesyjo Sztad Rady.
Niý bůła łůna tam kaj zowdy. Niý byli tam tyż ýno Sztad Rajce. Zaproszyni uostali tyż ekstra byzuchanty ze lokalrygiyrůngowyj administracyje, parlamyntarysty, przedstowiciele ausrygiyrůngowych ôrganizacyjůw, duchowiyństwo a delegacyje ze partnerskich ai sůmsiedzkich sztadůw.
Na tyj sesyji uostały tyż wrynczůne Honorowe Prajsy Crux Adalberti arcyb. Wiktorowi Sworc, Kornelii Banaś ai ks. Damianowi Wojtyczce. Mioł to być prajs dlo tych festelnie wożnych podle uznanio rygiyru sztada. Jednako jako godali to sami ôbdarowani, żodyn tyn prajs niý bůł by we wercie, kejby niý ludzie ze Radziůnkowe, kerzi zowdy chyntni do spůmogi, pomiyniajům swój sztad na lepsze.
Prajs dostali tyż gyszeftmany ze Radziůnkowa, kerzi juże 18 lot tukej kludzům swój biznes. Jubilyjům to juże fajne, jednako jako sami padali, tukej we Radziůnkowie kludzyniý fýrmy je ô co leksze dziynka ludziům, kerzi sům tak drugim rada.
Te 18 lot to już doś kůnsek czosu, kej Radziůnkůw nazod już zaś je sztadym. Bezto my sam winszujymy coby nostypne, 18 a nawet 180 lot Radziůnkůw poradziůł sie uozwijać, a coby ludzie sam byli do sia ai do inkszych jak nojlepsi.