Iże iś na swoje, to blank niý ma, to wiy bezmaś kożdy, wto juże to przeszoł abo sie do tego rychtuje. Styknie uobejrzeć, wiela kosztujům miynszkania. Ku tymu leko tyż niy ma dostać jako spůmoga ze państwa. A ô debet hipotyce tyż niý kożdy moge medytyrować.
We samyj Rudzie Ślůnskich na takich lepszych tajlach sztada miynszkanie ze 3 izbami to moge być utrota nawet 200 tauz. zł. Beztuż hołda ludzi skłodo we magistracie antragi a staro sie doczkać na kůmunal miynszkaniý.
Widzům to tyż we reskiyrze sztada, kaj durś we forplanach majů stawiawniý nowych kůmunal miynszkań. We nojbligszym czosie mo ich nadbyć wele 100 nowych.
Kej jednako niý idzie sie doczkać na kůmunal, to trza sie posznupać za jakům inkszům opcjům. Tukej do gowy prziłazi hipotyczny debet. A chocioż juże downij niý bůło leko dostać taki debet, to teroski moge być jeszcze ciynży. Miarkuje sie, co teroźnie na taki debet to moge sie pozwolić ýno co 3 perzůna, kero mo myni jak 35 lot.
Beztuż niý dziwuje nos zainteresowaniý programym Mieszkanie dla Młodych. Bez dwa lata trwanio ze tyj spůmogi państwowego regiyru skorzystało wiyncy jak 30 tauz ludzi. Pod kůniec łůńskigo roka na miesiůnc bůło kajś 5300 antragůw skłodanych do Banku Gospodarstwa Krajowego.
Ta cołko sprawa niý moge radować tym barzi, iże podle ekszpertůw sytuacjo na baurynku moge sie drap niý poprawić.