Nowo kampanio Ferajny św. Filipa Nereusza průmuje tyż ekstra przirychtowany filmik. Mo łůn po krůtce pokozać, na co je bajslowano ta społyczno akcjo. Cołkim cwekym projekta „Odpowiedz na list” je coby starziki szkryfnyli list, a modzi na niego ôdpedzieli. Zadaniý jednako niý bůło take leke, bo jako naszkryflać list do niý wiadůmo kogo? Tak po prowdzie żodyn ze nadawcůw niý wiedzioł do kogo trefi ta wiadůmość, ani wto na nia ôdpowiy.
    Akcjo je interesantno i na zicher we wercie jak i inksze akcje tyj Ferajny. Toć juże ôd 4 lot je dejmy na to realizowany projekt Syniorzy i pomoc. Dziynka świytlicy trefić sie mogům modzi ze starzikami, a bezto lepi poznać.