Podle nowych informacyj, juże niýdugo na placu po downyj KWK Powstańców Śląskich we Bytůniu, majům ruszyć piyrsze inwestycje. Jako to bydzie wyglůndać?
Ôd symbolicznego ôdymkniyńcio placu po downyj KWK Powstańców Śląskich we Bytůniu minyło juże praje 1,5 roku. Jak na razie te 20 ha sie niý wiela pomiyniyło. Jednako podle wicyprezesa Katowickij Szpecjalnyj Strefy Ekůnůmicznyj juże niýdugo mo być blank inakszy.
Jako my sie wywiedzieli, plac wele cesty Hakuby je ôświytlůny a uzbrojůny we gaz, lajtůng a sztrům. Dokludzům nos sam drůgi ai ściyżki dlo kołůw.
Za niýdugo mo sam być jeszcze nowo hala na produkcyjno dziołalnoś potyncjalnych inwestorůw. Ta hala mo postawić kůnsorcjum, we kerym je Bytomska Agencja Rozwoju Inwestycji a Katowicka Specjalna Strefa Ekonomiczna. Utrota ze tyj roboty mo wyńś na wiyncy jak 9 mln zł, ze czego fifty fifty potajlujům sie niům ôby dwie fýrmy ze kůnsorcjům.
A chocioż plany jak widać juże sům, to do takigo rýchtých ruszyno tyj strefy trocha jeszcze zyńdzie. Jednako jako spůminajům wicyprezes Katowickij Szpecjalnyj Strefy Ekůnůmicznyj, strefy take majům swoje reguły prziciůnganio inwestorůw.