Take punkty sztarntůły ôd januara a juże zdunżůło s nich skorzystać doś poradziesiůnt perzůnůw. Przi tymu trza spůmnieć, iże chciało mocka wiyncy, jednako niý kożdy moge tako prowno spůmoga szafnůńć. Dostanům ja dejmy na to Ci, kerzi niý majům wiyncy jak 26 lot abo juże przeżyli 65 rok żywobycio. 

Take punkty uostały sbajslowane podle ekstra ukwoły we cołki Polsce. We Rudzie Ślůnski můmy ich 6, a kludzůne łůne sům bez radców prowa, hadwokatůw a ausrygiyrůngowe ôrganizacyje. Mogům łůni jednako spůmogać ýno we ôkryślonych tyjmach prowa.