Cestům Na Piaski we Rudzie Ślůnski niý ma leko jechać, skiż tego jako łůna wyglůndo. Je tam postawiůny nawet ekstra znak, kery godo, coby dać sie pozůr. Niýstety skiż grubskich szkłůdůw drůga bůła robiůno tak trocha ainfach, coby dejmy na to ýno polepić dziury.

Jednako gruba już niý fedruje tam, a cołki plac poleku już przestoł sie fest ruszać. Bezto teroźnie czos na rychtůng. Jako je ustalůne we porozumiyniu miyndzy Sztad Urzyndym a Kompaniům Wynglowům, cołko utrota za rychtůng zabuli Kůmpanio. Dziynka tymu cesta mo być wyrychtowano do zeptymbro 2016 roka.