We Gýmnozjum nr 9 na Halymbie we Rudzie Ślůnski poklůdzůno bůła ôbywatylsko lekcjo. Dziynka tymu szkolorze můgli sie wywiedzieć miyndzy inkszymi jako wyglůndo lokalrygiýrůng, a co trza zrobić, coby pomiynić swůj plac.
Akcjo ôbywatylskich lekcyj je kludzůno ôd ôktůbro tego roka dlo szkolorzy ze gýmnozjunůw a szulůw ponadgýmnozjalnych. Uostatnio tako lekcjo mieli szkolorze ze Gýmnozjum nr 9 na Halymbie we Rudzie Ślůnski.
Poradzili łůni sie tam wywiedzieć czegoś ô geografi, kultůrze a historyji tego regiůnu. A przinajmij ze teorie. Potyn we praktyce můgli uoboczyć, jako pomiyniać swůj regiůn a jako budować ôbywatylske społyczyństwo. Sam materioł umioł być na prowda interesantny, bo mioł przede wszyskim pokozać, iże juże we takim wieku, idzie wpływać na swůj plac a lokalno społyczność.
Dlo uczystnikůw sbajslowany tyż je ekstra kůnkurs „Nasz pomysł na Śląsk”, we kerym szkolorze majům przirychtować swoje projekty na budżet ôbywatelski. Po ôcynie, autory nojlepszych idyjůw bydům můgli we finole przedstowić je przed kůmisjům a pokozać, iże tako inicjatywa moge pomiynić ślůnsk na lepsze. Przi tymu bydům musieli tyż wykozać sie wiedzům, bo czeko na nich szpecjalny quiz.
Dlo nojlepszych, wiadůmo, bydzie nagroda. Jednako my miarkujymy, iże nojlepszym dlo tych modych bydzie nauka, iże coby pomiyniać świot, trza samymu sie za to chycić. Jako to sie godo, kej czegoś niý idzie, to to zmiyń.