We Sztad Muzeum minana Maksymiliana Chroboka we Rudzie Ślůnski mielimy uostatnio niýłobyczny kůncert. Dlo tych, kerzi tam prziszli, kolyndowała gůrolsko kapela Jontki.
Dlo tych, co lubiům gůry a tamta kultůra, bůła ekstro ôkazjo we Rudzie Ślůnski. We Sztad Muzeum sbajslowany uostoł kůncert gůrolski kapeli ze Żywca.
Bůło to juże nostympny roz jak sam przijechali, ale po kůncercie idzie pedzieć, iże żodyn niý żąłuje. Publiczność rada posuchała a nawet pośpiywała gůrolskich kolyndůw, kero je wożnům tajlům ich trodycje a kultůry.
Ta gůrolsko kultůra je znano niý ýno u nos, nale tyż kaj indzi we świecie. Gůroli ze kapeli Jontki jednako to blank niý dziwuje. Rada łůni uosprawiali na kůncercie ô swoich trodycjach a zwyczajach gůrolskich ze beskidůw. Pośpiywali tyż przi tymu jejich pastorałki a kolyndy. A jako iże můmy nowy rok, a jakiś czos tymu bůły świynta, to powinszowali tyż wsyckigo nojlepsego.
Po co jednako ô tym wszystkim tak rada uosprawiajům? Ano skiż tego, co kapela Jontki mo za cwek kultywowaniý gůrolski kultůry. Czosym poberajům trocha ô jejich anegdotach a pieśniczkach, coś przi tymu zaśpiywajům a puosprawiajům ze publikům. Majům na to swój knif a ludziům sie to podobo, bo zowdy przidům na jejich kůncert. Choby tak jak uostatnio do Muzeum we Rudzie Ślůnski.