Piyrszy Kůnwynt bůł na tyla interesantny, iże prziszło na niego mocka ludzi. A byli tam niý ýno ze Rudy Ślůnski, nale tyż ze inkszych sztadůw. Beztuż bajslyrze uzdali, coby zrobić nostympny taki event.

Drugi juże Kůnwynt Gier a Fantastyki bydymy mieli 28 a 29 januara 2017 we Sztad Kultůr Cyntrum. Zmianowany łůn bydzie „W kopalniach Morii” a we forplanie je m. inkszymi: kůnkurs cosplay ai games-room, prelekcyje byzuchantůw, tyjmowe panele a sesyje fabularnych grůw.