Moge sie niý zdać, jednako we Polsce wcale niý ma tak leko, jak łazi ô woda. Gorzi ponoć je ýno we Belgii skuli tego, co tukej niý doś iże je mało wody, to jeszcze tyj nojwyższyj zorty to je ýno 1% wszyskigo.
Jako padali Edmund Kaca - szef Instytutu Melioracji i Użytków Zielonych- we Polsce je myni wiyncy tyla samo wody co we Egipcie. Zdać by sie můgło, iże to je ýno jake snokwianiý, jednako podle szacowanio, nawet we Hiszpani je lepi ze wodům jak tukej.
Beztuż swoje starania cuzamyn bydům kludzić Górnośląskie Przedsiębiorstwo Wodociągów ai Wojewódzki Fundusz Ochrony Środowiska i Gospodarki Wodnej w Katowicach. Wszysko sztartnůło ôd 22 marca, kery je Dniym Wody na cołkim świycie.
Sbajslowano tyż uostała esktra kůnferyncjo na napoczyńciý wystowy fotografiůw wodnych zbiornikůw ze Ślůnska. Kůnferyncjo bůła tyż inaguracjům dlo ekologicznyj kůmpanie, kero kludzůno bydzie bez te ôbie instytucyje.