Dziynka rychtůngowi wszyske zale, kere sům swiůnzane ze narodzyniym małego bajtla, bydům na jednym sztoku. Bydzie tukej zala do rodzynio, flyjgowanio dziecek ai kobiyt po porodzie. Przirychtowane bydům ekstra zale do cysorek, resuscytacje a flyjgowanio dziecek ai izba do wybudzanio matek ze cołkům aparaturům, kero do tego trza. Bydům tyż aże 4 zale do - jako to godajům - familijnego rodzynio ai narychtowane na rodzyniý we wodzie.

Cołki tyn rychtůng je tyż wożny skiż tego, iże lazaryt we Rudzie Ślůnski mo ôd 2011 jako jedyn ze 3 we cołki ślůnski rejyncji 3 stopiyń referyncyjności. Coby sam to wytublikować trza pedzieć, iże dziynka tymu mogům sam rodzić kobiyty ze zgrożyniym ciůnży, ciynżkij ij przebiegym, abo nawet te, kere majům urodzić rychlij, bo jeszcze przed skůńczyniym 31 tydnio ciůnży. Je to wożne tym barzi, iże ôd czyrwnio můmy tyż nowe sztandardy flyjgowanio takich pacjyntek.

Podle forplana cołki rychtůng mo skůńczyć sie jeszcze tego roka. Teroźnie sům juże przetorgi na roztomajty sprzynt a wichajstry potrzebne na takich nowych zalach. Wszysko to wyńdzie na utrota wele 2,5 mln zł. Sfinansowane bydzie jednako ze dotacje, kero podle uzdanio sztad rajcůw, przekozała Ruda Ślůnsko.