Kejsik, juże doś downo, leciała sam granica bez Ślůnsk miyndzy Niýmcami a Polskům. Dzisio ze tego wszyskigo uostała sam ýnoś juże niýmiecko wachsztuba. Poradzi sie ja zoboczyć, kej sie jedzie ze Rudy Ślůnski na Szůmbiyrki.

Haupka stoła a sie poleku uoslatywała. Toć tyla czosu, to mało co strzimie bez rymůntowanio. Jednako Śląskie Stowarzyszenie Motocyklistów Ajska uzdało, coby wziůńś sie za ta wacha a ja ôdretować. Beztuż dziynka swoij robocie ferajnioki dokludzili zaś wachsztuba nazod do stanu użytkowanio.

Przi tymu sbajslowali tam tor motocrossowy, kery nawet mo homologacjo PZMOT. A dziynka tymu, co bezmaś kożdy moge tam iś, coroz wiyncy ludzi sie nim interesanci.

Jednako niý ýno tor mo być atrakcjům. Pryzes ferajny „Ajska” chcům, coby ta haupka spůminała tyż ô siebie, a bůła niýôbycznym placym dlo fanůw motoradůw. Jako sami godajům idyjůw na to je hołda.

My sam můmy nodziyjo, iże wypoli jak nojwiyncy s nich tak, coby wachsztuba miyndzy Godulům a Szůmbierkami zasik miała swůj plac we gýszýchtach tyj ziymie.