Juże pora razy my godali ô placu po downyj Elektrowni Halymba. Teroski jednako wylazły na wiyrch nowe usztalowania. Podle forplanu fýrma A.S.A. chce postawić sam zakład przetworzanio niýzichernych ôdpadůw. Piyrsze papiůry we tyj sprawie inwestor słożył we Urzyndzie juże wiycy jak 9 m-c tymu.
    Jednako dopiyro niýdowno miynszkańce wywiedzieli sie, co tak rýchtých mo sam być. I tyż wiela niý trwało, kej sbajslowany uostoł tref ze ryskiyrym sztada we Zespole Szkolno-Przedszkolnym przi ceście Kaczmarka. Praktycznie kożdy ze Kłůdnice a Staryj Kuźnice pedzioł na tym trefie, co tako idyjo na zagospodarowaniý tego placu, to je blank ainfach.
    Co interesant, wypowiedzioł sie we tyj sprowie tyż jedyn ze miynszkańcůw, kerzi sům chymikiym. Jako padali, we raporcie słożůnym do urzynda, je mocka felerůw, a bezto niý przedstowio łůn noleżycie wpływu inwestycje na strzodowisko.
    Jednako eli to coś do? Jako uzdo a postympować bydzie ryskiyr sztada? Narazie jako padali Wicypryzydynt Krzysztof Mejer, głos miynkszańcůw je wożny, jednako trza sie tyż dować pozůr na przepisy prowa a procedury. Co z tego wyńdzie? Wto kogo posucho? Zoboczymy.