Szkoła Podstawowo nr 20 na Kochlowicach we Rudzie Ślůnski je juże wysztramowano. Jednako roboty jeszcze trocha je, coby szkolorze můgli prziś nazod. Teroski uostali łůni przeniesiyni do inkszego zostympnikowego stawiynio.
Szula je juże sztram a nawet podniesiůno ô meter. Jednako narazie trza skůńczyć cołko robota, coby bajtle můgły prziś nazod. Beztuż we forplanie je, coby lekcyje bůły zaś tam dziepiyro ôd 1 zeptymbro.
Przi rymůncie dach tyż bydzie zrychtowany. Kejby niý patrzeć, to tyż je wożny elymynt stawiynio. Cołko sprawa napoczła sie jednako ôd tego, iże we szuli to momyntami juże czuło sie, iże sie idzie pod gůrka. Niý ma sie sam co dziwować. Cołke stawiyniý ekło sie na tyla, iże trza bůło sie chycić za rychtůng.
Wszysko zrobić musiała Kompanio Wynglowo, skiż keryj fedrowanio szula sie ekła. Cołko inwestycyjo niý ma leko do Kůmpanie. Styknie pedzieć, iże za czynsto to czegoś takigo niý robiům, a jeszcze trza bůło jakoś zaplanować szkolorski rok. Beztuż uzdane uostało, iże bajtle na tyn czos bydům wożůne autobusym kaj indzi.
Teroski kej rychtůng poleku juże idzie ku kůńcowi, coroz wiyncy forsztelunku wraco do Szule 20. Jednako i rechtory i szkolorze bydům musieli snolyź sie na nowo we jejich staryj, nale na nowo wyrychtowanyj szuli.