Jako to we bojkach nojczynści bywo tak i we szpektaklu „Kochać jak się kocha sól”, wszysko kůńczy sie dobrze a szczynśliwie. Dobrze skůńczyła sie tyż juże nostympno gala Fundacje Katowickij Spółdzielni Mieszkaniowyj.
    Na XI juże gali szpektakel bůł jednako niýôbyczny. A to skiż tego, co szauszpilerami byli politykery, awisorze a gyszeftmany. Wszyskich jednako łůnczyła chyńć pomoganio inkszym. Wszyscy musieli mocno trynować, coby dobrze na scynie sie przedstowić. Beztuż trynowali bez dwa miesiůnce a powtarzali swoje teksty do spamiyntanio. Kożdy jednako padoł, iże bůła we wercie cołko ta robota.
    A chocioż mocka znanych ludzi szło uoboczyć na binie, to ô co wiyncy poradziůło sie ich trefić na widowni. Kożdy s nich przed szpektaklym poradziůł tyż rajcować we licytacji, keryj dochůd poszoł na cyle dziołanio Fundacje Katowickij Spółdzielnie Mieszkaniowyj.
    Prziznany tyż uostoł prajs Przyjaciela Fundacje, kery latosi dostała Restaurana Patio Park, czego fajnie gratulujymy. A przi ôkazji zocnie zaproszůmy na nostympno, miyjmy nodziyjo juże za rok, gala Fundacje KSM.